Vandað einbýli með bílskúr og aukaíbúð á stórri útsýnislóð við Krókeyrarnöf 1 á Akureyri - samtals 299,7 m² að stærð. 

** Eigendur skoða skipti á einbýlishúsi á Brekkunni **

Eignin skiptist þannig að á efri hæð er rúmgóð 4ra herbergja íbúð með rúmgóðum bílskúr þar sem í dag er búið að útbúa fjórða svefnherbergið. Íbúðin skiptst í forstofu, gang, þrjú svefnherbergi og þar af eitt með baðherbergi innaf, baðherbergi, eldhús, stofu og sjónvarpshorn í einu alrými, þvottahús og bílskúr sem skipt hefur verið upp í þrjú rými með léttum veggjum.  Efri hæðin er í heildina skráð 205,8 m² og þar af telur bílskúrinn 41,9 m²,
Á neðri hæð er rúmgóð 3ja herbergja íbúð mér sérinngangi sem skiptist í forstofu, eldhús og stofu í einu alrými, tvö svefnherbergi og baðherbergi. Íbúðin er skráð 93,6 m² að stærð.
Lóðin er stór hornlóð, skráð 1.096,1 m² að stærð.

Nánari lýsing efri hæðar
Forstofa er með flísum á gólfi og stórum ljósum skápum.
Eldhús, stofa og sjónvarpsstofa eru í einu opnu og björtu rými með stórum gluggum til þriggja átta.  Flísar er á gólfum og í loftum er innfelld lýsing og hljóðdempandi plötur.  Ljós spónlögð innrétting er í eldhúsi og lágur veggur sem stúkar af sjónvarpshornið.  Útgangur er á hellulagða verönd til norð-vesturs.
Svefnherbergin eru þrjú á hæðinni, öll flísalögð og með ljósum sprautulökkuðum fataskápum. Stærð barnaherbergja er skv. teikningum 12,1 og 14,0 m². Inn af hjónaherberginu er baðherbergi með flísum á gólfi og hluta veggja, hvítri sprautulakkaðri innréttingu, upphengdu wc, baðkari með sturtutækjum og opnanlegur gluggi.
Baðherbergið er flísasagt, bæði gólf og veggir, ljós innrétting, walk in sturta með gleri og hurð út á verönd.
Þvottahúsið er flísalagt og þar er vegleg ljós innrétting með stæði fyrir bæði þvottavél og þurrkara, gott skápapláss og bekkur með vaska.  Útgangur er út þvottahúsi til norð-vesturs og nýtist sem bakdyrainngangur.
Bílskúrinn er flísalagður og er með stórri rafdrifinni bílksúrshurð sem er 5 m að breidd.  Skúrnum hefur verið skipt upp þannig að fremst við hurðina er í dag geymsla, auk þess útbúið hefur verið eitt svefnherberg og hol, hvar harð parket er á gólfum.  Harð parketið var lagt ofan á flísarnar og veggirnir eru sömuleiðis léttir, þannig að auðvelt er að breyta til baka.

Nánari lýsing neðri hæðar
Sér inngangur er inní íbúðina á suðurhlið og að forstofunni er farið niður steinhlaðnartröppur.
Forstofan er með flísum á gólfi og ljósum fataskápum.
Stofa og eldhús eru í einu opnu alrými og í eldhúsi er ljós innrétting með dökkum bekkjum. Stórir gluggar eru til suðurs.
Svefnherbergin eru tvö, bæði rúmgóð, flísalögð og með ljósum fataskápum.
Baðherbergið er flísalagt og þar er ljós innrétting með stæði fyrir þvottavél, walk in sturtu með gleri og opnanlegur gluggi.
Lóðin er stór hornlóð og framan við húsið er stórt hellulagt bílaplan fyrir 4 bíla.  Hellulögð verönd er sunnan við húsið við inngang á aðalhæð en einnig er hellulögð verönd fyrir framan inngang neðri hæðar.  Norð-vestan við hús er hellulagður pallur með steyptum skjólveggjum og í pallinum eru lagnir fyrir heitan pott.  Stór grasflöt er neðan við húsið og fyrir norðan.

Annað
- Aukin lofthæð er á allri aðalhæðinni - 270 cm.
- Lokað er á milli hæða í dag en gert er ráð fyrir að hægt sé að gera stigaop í sjónvarpshorninu og hafa innangengt á milli hæða.
- Ljósleiðari er kominn inn og tengdur.
- Hitalagnir eru í bílaplaninu og í gönguleið að aðalinngöngum beggja hæða sem og í tröppum. Ekki eru lagnir í um 2 m breiðri rönd í bílaplani hvar gert var ráð fyrir blómakerjum í upphafi.
- Hitalagnir eru einnig í gönguleið að bakdyrainngangi og að þeim stað sem gert er ráð fyrir heitum potti á palli.
- Einstakt útsýni er frá húsinu.
- Eignin er í einkasölu