Sunnutröð 2 - Vandað og vel skipulagt 5 herbergja einbýlishús með bílskúr á einni hæð í Eyjafjarðarsveit - stærð 161,5 m²

Eignin skiptist í forstofu, eldhús og stofu í opnu rými, gang, fjögur svefnherbergi, baðherbergi, þvottahús og bílskúr með geymslu og snyrtingu innst.

Forstofa er með flísum á gólfi og vönduðum spónlögðum skáp. Innfelld lýsing í lofti.
Eldhús, vönduð spónlögð innrétting með góðu skápa- og bekkjarplássi. Ísskápur og uppþvottavél fylgja með við sölu eignar. Flísar eru á milli skápa. 
Stofa og eldhús eru í opnu rými þar sem loft eru tekin upp, með innfelldri lýsingu og flísar eru á gólfi. Hurð er út úr stofunni á verönd. Búið er að gera breytingar á eigninni frá teikningum, stofa var minnkuð og útbúið fjórða svefnherbergið.
Gangur er með flísum á gólfi og innfelldri lýsingu. 
Svefnherbergin eru fjögur, öll með flísum á gólfum og þrjú með fataskápum. 
Baðherbergi er flísalagt bæði gólf og veggir, með spónlagðri eikar innréttingu og skáp, upphengdu wc, sturtu, handklæðaofni og opnanlegum glugga. Innfelld lýsing í lofti. 
Þvottahús er á tengigangi milli íbúðar og bílskúrs. Þar eru flísar á gófli og spónlögð innrétting með stálvask og stæði fyrir þvottavél og þurrkara í vinnuhæð. 
Bílskúr er skv. teikningu 26,7 m² að stærð og innst í honum er geymsla og snyrting. Stigi er upp á geymsluloft sem er yfir hluta af bílskúrnum. 
Flísar eru á gólfi í bílskúrnum og loft er tekið upp. Sér gönguhurð er á langhliðinni. Snyrting er með flísum á gólfi, upphengdu wc og handlaug. Geymsla er með flísum á gólfi og hurð út á baklóð og hefur verið nýtt sem svefnherbergi.
Geymsluloft er yfir hluta íbúðarhúss.

Annað
- Stór verönd, hellur og timbur er með suðurhlið hússins. Rólur og dúkkuhús fylgja ekki með við sölu eignar.
- Fyrir framan húsið er hellulagt og hitalagnir undir hluta, kynnt með affalli af íbúðarhúsi. 
- Hellulögð stétt er með norðurhliðinni og austurhliðinni.
- Á baklóðinni er um 10 m² geymsluskúr á steyptri plötu.
- Eignin er timburhús og klædd með viðhaldsfrírri klæðningu að utan.
- Búið er að taka inn ljósleiðara
- Eignin er í einkasölu