Jóninnuhagi 1 íbúð 103 - Nýbygging
Glæsileg 3-4ra herbergja íbúð með sér inngangi á neðri hæð í vestur enda í litlu fjölbýlishúsi í Hagahverfi - stærð 88,4 m²
Eignin skiptist í forstofu, eldhús og stofu í opnu rými, tvö svefnherbergi, baðherbergi með þvottaaðstöðu og geymslu sem getur nýtist sem svefnherbergi. Í sameigninni er sér geymsla, skráð 4,2 m² að stærð og sameiginleg hjóla- og vagnageymsla.
Eignin afhendist fullbúin með gólfefnum.  Áætlaður afhendingartími eignar er júní 2023
Myndir eru úr sýningaríbúð

Skilalýsing þessi er hluti af kaupsamningi íbúða við Jóninnuhaga 1
Upplýsingar í skilalýsingu geta breyst á byggingartíma. Leitast verður við að halda sambærilegum gæðum byggingarhluta og íhluta, breytist þeir á byggingartíma.
Byggingaraðili: BB byggingar ehf. hefur stundað byggingarverktöku síðan 2001 og hefur sinnt stórum sem smáum verkefnum. Stefna fyrirtækisins er að veita góða þjónustu og skila vönduðum verkum.
Hönnun: Hönnuður hússins er Steinmar Rögnvaldsson, Steinark teiknistofa .
Húsið er steinsteypt á tveimur hæðum og eru í því 7 íbúðir, 2-3ja og 3-4ra herbergja.
Íbúðum verður skilað fullfrágengnum sem og sameign og lóð.
Frágangur utanhúss: Allir útveggir hússins eru einangraðir að utan með 100 mm harðpressaðri steinull. Húsið er klætt að utan með báruðu áli og timbri við innganga.
Gluggar og hurðir eru Áltré frá Ideal combi, hvítir að innan og utan og með tvöföldu einangrunargleri, sólstoppgler. Gluggar og hurðar eru settar í eftirá. Rennihurðir með sólargleri eru út á svalir/verandir úr öllum íbúðum.
Þak: Loftaplata í húsinu er steypt með uppstóluðu timburþaki með tvöföldum pappa. Hitaþræðir eru í þakrennum.
Lóð, bílaplan, verandir og svalir: Svalir eru steyptar með galvinseruðu járn handriði og klætt með plast plötum á efri hæðum, samskonar handrið verða við íbúðir á neðri hæðum. Stéttar við aðalinngang eru steyptar og eða malbikaðar með hitalögnum að hluta skv. teikningu. Lóð er þökulögð í samræmi við lóðarteikningar og bílaplön malbikuð.
Frágangur innanhúss: Útveggir eru allir sandspartslaðir og málaðir. Burðarveggir íbúða eru sandspartslaðir og málaðir. Allir léttir innveggir eru byggðir upp með stálstoðum og klæddir með krossvið og gifsi beggja vegna, sandspartslaðir og málaðir.
Loft: Öll loft í alrýmum og herbergjum íbúða eru klædd með hljóðdempuðum loftaplötum og með innfelldri lýsingu nema á baðherbergi, þar verður loft málað.
Veggir og loft í sameignum eru sandspartslaðir og málaðir.
Gólf og Gólfefni: Gólf neðri hæðar er steinsteypt 12 cm plata með innsteyptum gólfhita, en gólf efri hæðar er 20-22 cm steinsteypt. Gólfefni verða harðparket 10-12mm þykkt í öllum rýmum íbúðar nema baðherbergjum, þar verða flísar. Gólf í sameign og geymslum er steinsteypt og með epoxy.
Raflögn: Raflögn er fullfrágengin. Innfelld lýsing er í helstu rýmum íbúða. Útiljós við innganga verða frágengin. Uppsettur reykskynjari fylgir hverri íbúð. Sér rafmagnsmælir er fyrir hverja íbúð. Fyrir framan húsið verða fjórir rafhleðslustaurar með möguleika á einum tengli fyrir hverja íbúð.
Hitaveita: Sameiginlegur hitaveitumælir er fyrir allt húsið og gólfhiti í öllum gólfum íbúða.
Innréttingar og skápar: Allar innréttingar koma frá GKS. Eldhús er með plastlagðri svartri (Nero oak) innréttingu með grárri borðplötu og innbyggður ísskápur með frysti og uppþvottavél fylgja með öllum íbúðum. Vaskar í eldhúsum eru svartir, mjúklokun á skúffum og skápum á baði og eldhúsi, hnífaparabakki og ruslafata fylgir. Baðinnrétting er svört plaslögð (Nero oak) með grárri borðplötu og speglaskápur fyrir ofan. Gólf og tveir veggir á baðherbergi verður flísalagt. Vélrænn loftræsting er frá baðherbergjum. Hreinlætistæki verða að viðurkenndri gerð. Fataskápar eru plastlagðir svartir, (Nero oak).
Innihurðir: Innihurðir verða yfirfelldar hvítar.
Hver íbúð er sjálfstætt brunahólf og fylgja reykskynjari og handslökkvitæki hverri íbúð.
 
Allar breytingar hvort sem er á lögnum, innréttingum, tækjum eða öðru, greiða kaupendur sérstaklega fyrir og skulu breytingar berast til seljanda tímanlega. Seljandi ber ekki ábyrgð á því ef slíkar breytingar seinka afhendingu íbúðarinnar.
Minniháttar sprungur geta myndast á máluðum flötum nýbygginga á fyrstu mánuðum eftir afhendingu og telst slík sprungumyndun ekki til ágalla.
Allt efni og teiknaðar, þrívíddarmyndir eru birtar með fyrirvara um hugsanlegar villur.
 
Kaupandi greiðir skipulagsgjald þegar þess verður krafist, (0,3% af brunabótamati viðkomandi eignar).
Eignin er í einkasölu