Byggðavegur 101c - 5 herbergja raðhúsaíbúð á vinsælum stað á Brekkunni - stærð 140,7 m²

Eignin skiptist með eftirtöldum hætti, 
Efri hæð, 55,6 m²: Gangur, þrjú svefnherbergi, vinnuherbergi, baðherbergi og geymsla.
Neðri hæð, 55,6 m²: Forstofa, eldhús, stofa og gestasnyrting.
Kjallari, 29,5 m²: Þvottahús og tvær geymslur.

Aðalinngangur er á neðri hæð, þar eru flísar á gólfi og opið fatahengi. Annar inngangur er inn í þvottahús í kjallara.
Eldhús er upprunalegt, ljós innrétting og góður borðkrókur. Dúkur á gólfi. Úr eldhúsi liggur steyptur lakkaður stigi niður í kjallara.
Stofa er björt og rúmgóð, dúkur á gólfi og hurð út á timbur verönd. 
Svefnherbergin eru þrjú, öll með dúk á gólfi og fataskáp. Hjónaherbergi er rúmgott með hurð út á steyptar vestur svalir. Eitt vinnuherbergi er á efri hæð og þar er dúkur á gófli. Stigi milli hæða er lakkaður en gangur er með dúk á gólfi. Inn af gangi er geymsla með hillum. Þakgluggi er á gangi sem hleypir birtu inní rýmið.
Baðherbergi er á efri hæð, þar eru flísar á gólfi og veggjum, ljós innrétting, sturtuklefi, upphengt wc, handklæðaofn og gólfhiti. 
Gestasnyrting er inn af forstofu, þar er dúkur á gólfi og flísar á veggjum til hálfs og opnanlegur gluggi. 
Þvottahús er í kjallara, þar er lakkað gólf og ljós innrétting. 
Tvær geymslur eru í kjallaranum. Önnur er notuð sem svefnherbergi í dag. 

Annað:
- Þak hefur verið endurnýjað fyrir um 10 árum.
- Ljósleiðari er kominn inn og tengdur.
- Möguleiki að stækka kjallara (grafa út).