Steinahlíð 6b, Falleg og vel viðhaldin 6-7 herbergja raðhúsaíbúð á tveimur hæðum og með innbyggðum bílskúr á vinsælum stað í Glerárhverfi - Stærð 193,0 m² 

Eignin skiptist með eftirtöldum hætti,
Efri hæð: Forstofa, eldhús, búr, stofa og borðstofa, baðherbergi og tvö svefnherbergi. 
Neðri hæð: Tvö svefnherbergi, sjónvarpsherbergi, baðherbergi, gangur, þvottahús, geymslur og bílskúr.

Forstofa er með flísum á gólfi og sérsmíðuðum skápum og skúffu einingu.
Stigi milli hæða er steyptur, parketlagður með dökku parketi og með sérsmíðuðu járnhandriði.  
Eldhús, vönduð spónlögð innrétting með flísum á milli skápa. Mjög gott skápa- og bekkjarpláss. Ísskápur og uppþvottavél eru innfelld í innréttingu og fylgja með við sölu eignar. Eldhúsborð er í sama stíl og innréttingin og fylgir með við sölu. Dökkt parket er á gólfi og innfelld lýsing í lofti. Búr er við hliðina á eldhúsinu með dökku parketi á gólfi, vinnuborði og hillum. 
Stofa og borðstofa eru í rúmgóðu opnu rými, með dökku parketi á gólfi og innfelldri lýsingu í lofti. Stórir gluggar og hurð út á steyptar suðvestur svalir. Gler og svalahurð var nýlega endurnýjað sem og viður í handriði.
Svefnherbergin eru fjögur, tvö á hvorri hæð. Dökkt parket er á gólfum í öllum herbergjunum og fataskápar.
Sjónvarpsherbergi er á neðri hæðinni, rúmgott herbergi með dökku parketi á gólfi og sérsmíðaðri innréttingu. Möguleiki er að nýta þetta herbergi sem fimmta svefnherbergið.   
Baðherbergin eru tvö, eitt á hvorri hæð. Baðherbergi á efri hæð er flísalagt í hólf og gólf, með sérmíðaðri innréttingu og marmarabekkplötu, upphengdu wc, baðkari og innfelldri lýsingu. Rafmagnshiti er í gólfi. Baðherbergi á neðri hæð flísalagt í hólf og gólf, með ljósri innréttingu með flísalögðum hliðum, wc, handklæðaofni og sturtu. 
Gangur á neðri hæðinni er með dökku parketi á gólfi. Við endann á ganginum er hurð út á veglega timburverönd. 
Þvottahús er með epoxy efni á gólfi, bekk og efri skápum. 
Bílskúr er með lökkuðu gólfi. Sér gönguhurð er við hliðina á innkeyrsluhurðinni. Rafdrifinn opnari á innkeyrsluhurð. Úr bílskúrnum er gengið niður nokkrar tröppur í geymslurnar. Hitalagnir eru í bílaplani fyrir framan bílskúr, kyntar með affalli. 
Geymslunar eru tvær og er gengið inn í þær úr bílskúr. Þar er lakkað gólf, vinnubekk og opnanlegur gluggi. Innri geymslan er köld 

Annað
- Á baklóðinni er góð verönd og falleg lóð.
- Tröppur fyrir framan forstofu og svalir voru múrviðgerðar og lagaðar árið 2023.
- Hitaþræðir eru í þakrennum. 
- Fellistigi er upp á loft sem er yfir efri hæðinni. 
- Sameiginlegt bílastæði er við endann á bílaplaninu. 
- Eignin er laus til afhendingar 1.9.2024
- Eignin er í einkasölu