Ægissíða 18 - Skemmtilegt einbýlishús, kjallari hæð og ris á 525,0 m² sjávarlóð á Grenivík - stærð 104,6 m², þar af telur skúr 25,3 m²
Eignin hefur verið í skammtímaleigu og er með 9,1 í einkunn á Booking.com

Eignin skiptist með eftirtöldum hætti:
Kjallari: Svefnherbergi, geymsla og sturturými með þvottaaðstöðu. 
Hæð: Forstofa, snyrting, eldhús og stofa.
Ris: Opið rými

Forstofa er með dúk á gólfi og hvít máluðum panil á veggjum.
Eldhús, hvít sprautulökkuð nnrétting og dúkur á gólfi. Lakkaður stigur liggur úr eldhúsinu og upp í risið.
Stofa er með spónaparketi á gólfi, gluggum til 3ja átta og hurð til vesturs út á timbur verönd, 25-30 m² að stærð.
Snyrting er með dúk á gólfi og efri skáp. Timburstigi milli hæðar og kjallara kemur upp inn á snyrtingu.
Sturturými og þvottaðastaða eru í kjallaranum og þar er flotað gólf nema í sturtunni þar eru flísar bæði á gólfi og veggjum.
Risið er eitt opið rými með spónaparketi á gólfi og með panil í lofti og á veggjum. Gluggar eru á stöfnum hússins. Rými þetta nýtis sem svefnherbergi í dag með svefnaðstöðu fyrir fjóra. Fataskápar eru fyrir miðju í rýminu.
Svefnherbergi í kjallara er með flotuðu gólfi og gólfhita. Inn af svefnherberginu eru geymsla með glugga.
Bílskúr er skráður 25,3 m² að stærð og þar er malar gólf og veggir klæddir með timbri. Fyrir framan bílskúr er bílaplan með perlumöl í.

Annað
- Kjallarinn var mikið endurnýjaður í upphafi árs 2021, þar var gólf brotið upp og steypt aftur með gólfhita, útbúið sturturými og þvottaaðstaða, herbergi og geymsla. Hurð er úr herberginu út á baklóð.
- Á baklóð er nýlegur garðskúr sem fylgir með við sölu eignar.
- Húsið er timburhús, klætt með bárustáli.
- Búið er að endurnýja raflagnir í kjallara og rafmagnstöflu.
- Neysluvatnslagnir og frárennsli hefur verið endurnýjað.
- Húsið var málað að utan sumarið 2018. 
- Ekki er full lofthæð í kjallaranum.
- Samkvæmt nýju deiluskipulagi er heimilt að byggja 30 m² íbúðarhús á baklóðinni.
- Húsið stendur norðan megin í götunni og liggur lóðin að sjó.
- Eignin er í einkasölu